Chordzaa

" " กระสอบข้าวใหม่ ข้าวเปลือกในเล้า ไปสีเอาเฒ่าแม่เลาบอก ปิ้งหมูกับทอดไส้กรอก ห่อข้าวไว้ส่งลูกชาย ฝ้ายขาวแม่ใหญ่ ผูกใส่ข้อมือข้างซ้าย พร้อมคําอวยพรส่งท้าย ให้เจ้าเดินทางปลอดภัยเด้อหล่า กระสอบข้าวสาร ยังบ่หนักปานภาระทางบ้าน ท่วมคักหลายปีจนย่าน สองปีเบิ่งฮั่น กะแล้งเหลือใจ ข้าวบ่ได้ขาย ลูกอาสามาขายแรงกาย หนักกะเอา เบากะสู้ไหว สิส่งเงินไปให้ใช้เด้อแม่ * อากาศเมืองหลวง หายใจบ่ส่วง คือจังบ้านเฮา แต่ลูกกะสิอดเอา เห็นฝ้ายขาวคึดฮอดหน้าแม่ ปีใหม่ปีนี้ สิซื้อซิ่นดีๆ ไปฝากเด้อแม่ สิฟ่าวไปกราบตักแม่ ถ่าลูกแหน่เด้อพระของลูก ** สอบข้าวเหนียวใหม่ นึ่งเทื่อสุดท้ายตอนสองเดือนก่อน ลูกพับไว้ข้างที่นอน ใจฮำฮอนฮอดคนอยู่บ้าน ถ่าลูกเด้อแม่ ปีใหม่ลูกสิคืนคอน สิเอาของฝากของต้อน ซื้อหมากอ่อนๆ ไปฝากเด้อแม่ สิฟ่าวไปกอดอีแม่ ถ่าลูกแหน่เด้อ...พระของลูก

" " ห้องว่างให้เศร้า ก้อนสบู่ที่เจ้าเคยถู ขวดแชมพูที่เจ้าเคยสระ มันคงตกเป็นภาระของหัวใจอ้าย ห้องว่างคงต้องคืนเขา เพราะมันกลายเป็นห้องว่างให้เศร้า เศษผมของเจ้า ที่หล่นอยู่พื้น อ้ายสะอื้นยืนมองทั้งน้ำตา * กลับมาสา อย่าถิ่มอย่าป๋า ถ้ามีปัญหาคุยกันก่อนสา ถ้ามันหนักหนาได้ซอยกันแก้ อ้ายยอมแพ้ ต่อไปนี้บ่มีข้อแม้ อ้ายสิยอมแพ้ บ่ออ บ่แอ บ่ว้อ บ่แว้ อิหยังกับเจ้า ห้องว่างให้เช่า ตอนบ่มีเจ้า เป็นห้องว่างให้เศร้า อ้ายจ่ายค่าเช่าด้วยน้ำตาอ้าย โอ... ฮือ..... ** ตอนเจ้าอยู่ห้องนี้บ่เหงา ตอนนี้แม้นเงาเจ้ายังบ่เหลือ ฮักเจ้าจนอ้ายบ่ได้เผื่อ ใจพ้อมื้อเจ็บ เก็บห้องที่นองด้วยน้ำตา คึดหยังขึ้นมาน้ำตาก็ไหล เก็บไปไห้ไป ย้อนคนของใจของอ้ายบ่อยู่ ( ** , * )